ಹಾಲ

2011-04-22T05:20:00.003-07:00

2011-04-22T05:20:00.001-07:00

2011-04-22T05:19:00.001-07:00

2011-04-22T05:18:00.004-07:00

2011-04-22T05:18:00.003-07:00

2011-04-22T05:18:00.001-07:00

water station

2011-04-22T05:17:00.000-07:00

ಮುಖಹೀನರ ಬ್ಲಾಗುಗಳು- ಕಾಮೆಂಟುಗಳು....

2011-03-17T22:09:00.000-07:00

ಸೀದಾ, ಸಾದಾ ಪ್ರಾಧ್ಯಾಪಕ. ಅದಕ್ಕಿಂತ ಹೆಚ್ ಏನ್ ಇಲ್ರಿ. ಹುಟ್ಟಿದ್ದು, ಓದಿದ್ದು ಧಾರವಾಡ. ಕೆಲಸ ಮಾಡುತ್ತಿರೋದ್ ಬೆಂಗಳೂರು. ಸುಮ್ನ ಖುಷೀಗ್ ಓದ್ತಿರ್ತೇನ್ರಿ. ಓದಿದ್ದು, ನೋಡಿದ್ರ ಬಗ್ಗ ಈಗ ಬರೆಯೋ ಹಂಬ್ಲಾರಿ. ಹಿಂಗೈತಿ ನಮ್ ಕತಿ- ಈ ರೀತಿ ತನ್ನ ಬಗ್ಗೆ ಬರೆದುಕೊಂಡಿರೋದು http://mediamana.blogspot.com/ ಬ್ಲಾಗ್ ನ ಮನುಷ್ಯ.....

ಇವರು ನಿನ್ನೆ ತಮ್ಮ ಬ್ಲಾಗ್ ನಲ್ಲಿ ಸುವರ್ಣ ನ್ಯೂಸ್ ನಿಂದ ರಂಗನಾಥ್ ಅವರನ್ನು ಹೊರ ಹಾಕಿದ್ದಾರೆ ಅಂತಾ ಬರೆದಿದ್ದರು. ಇದು ಬ್ಲಾಗ್ ಮೀಡಿಯಾ ಲೋಕದಲ್ಲಿ ಬಿಸಿಬಿಸಿ ಚರ್ಚೆಗೂ ಕಾರಣವಾಗಿತ್ತು...

ಆದರೆ, ವೈಯಕ್ತಿಕ ಕೆಲಸಕ್ಕಾಗಿ ರಂಗನಾಥ್ ರಜೆ ಹಾಕಿ ಹೋಗಿದ್ದರು- ಇದು ಅವರು ಮತ್ತು ಕಚೇರಿ ಸಿಬ್ಬಂದಿ ಖಚಿತಪಡಿಸಿದ ಮಾಹಿತಿ....

ಇಂದು ರಂಗನಾಥ್ ಕಚೇರಿಯಲ್ಲಿದ್ದಾರೆ. ಆದ್ರೆ, ಈ ಬ್ಲಾಗ್ ನಲ್ಲಿ ನಾವು ಸುಳ್ಳು ಬರೆಯಂಗಿಲ್ಲ, ಬರೆದಿದ್ದು ಸುಳ್ಳಾಗಂಗಿಲ್ಲ! ರಂಗನಾಥ್ ಇವತ್ತು ಬಂದಿದಾರೆ. ಮುಂದೊಮ್ಮೆ ಸುವರ್ಣ ಬಿಟ್ಟು ಹೋಗೇ ಹೋಗ್ತಾರೆ ನೋಡ್ತಿರಿ ಎಂಬರ್ಥದಲ್ಲಿ ಬರೆದಿದ್ದಾರೆ. ಮುಂದೊಂದು ದಿನ ಪ್ರಳಯ ಆಗೇ ಆಗುತ್ತೆ ನೋಡ್ತಿರಿ... ನಾವೇಳಿದ್ದು ಸುಳ್ಳಾಗಂಗಿಲ್ಲ ಎಂದು ಜ್ಯೋತಿಷಿಗಳು ಹೇಳಿದಂತೆ ಹೋಗ್ಲಿ ಬಿಡಿ ಮುಂದಿನ ಬಗ್ಗೆ ಈಗ ಬೇಡ...

ನಾನು ಹೇಳ ಹೊರಟಿರುವ ಮುಖ್ಯ ಸಂಗತಿ ಅಂದ್ರೆ....

ಮೀಡಿಯಾಮನ ಎಂಬ ಬ್ಲಾಗ್ ನಲ್ಲಿ ಉಗಮ ಎಂಬ ಹೆಸರಿನಲ್ಲಿ ಒಂದು ಕೆಟ್ಟದಾದ ಕಾಮೆಂಟ್ ಇದೆ. ಪತ್ರಿಕೋದ್ಯಮದಲ್ಲಿ ಉಗಮ ಶ್ರೀನಿವಾಸ, ಉಗಮ ಎಂಬ ಪೆನ್ ನೇಮ್ ನಲ್ಲಿ ಬರಿತೀರೋದು ಕನ್ನಡಪ್ರಭದ ತುಮಕೂರು ವರದಿಗಾರ ಎಸ್.ಎನ್.ಶ್ರೀನಿವಾಸ್ ಒಬ್ಬರೆ. ಆದರೆ, ಈ ಕಾಮೆಂಟ್ ಹಾಕಿರೋದು ಉಗಮ ಅಲ್ಲ.. ಅವರ ಹೆಸರಿನಲ್ಲಿ ಬೇರೆಯರು ಹಾಕಿದ್ದಾರೆ... ನನ್ನ ಹೆಸರಿನ ಈ ಕಾಂಮೆಂಟ್ ತೆಗಿರಿ ಅಂದ್ರೆ.... ನೀವೊಬ್ಬರೇನಾ ಉಗಮ ಅಂದ್ರೆ ಎಂದು ಪ್ರಶ್ನಿಸಿದ್ದಾರೆ. ಆ ಬ್ಲಾಗಿನವರು..

ಮುಖಹೀನ ಬ್ಲಾಗಿನವರು ಈ ರೀತಿ ಬೇರೆಯವರ ಹೆಸರಿನಲ್ಲಿ ತಾವೇ ಕಾಮೆಂಟ್ ಹಾಕಿಕೊಂಡು ಮಾನಸಿಕ ನೆಮ್ಮದಿ ಕದಡುವುದು ಎಷ್ಟುಸರಿ..

ಅವರವರ ಪಾಡಿಗೆ ಇದ್ದವರನ್ನು ಇಲ್ಲದ ಉಸಾಬರಿಗೆ ಎಳೆಯುವುದು ಸರಿಯಲ್ಲ...

ಸುಳ್ಳು ಬರೆಯುವ ಪ್ರಾಧ್ಯಾಪಕನ ಈ ಬ್ಲಾಗನ್ನೂ, ಅವರ ಈ ನಡತೆಯನ್ನೂ ನಾನು ಖಂಡಿಸುತ್ತೆನೆ...

ನೀವು ಏನಾರಾ ಬರ್ಕೊಳ್ಳಿ, ಇನ್ನೊಬ್ಬರ ನೆಮ್ಮದಿ ಕದಡಬೇಡಿ ಎಂಬ ಮಾತನ್ನ ಹೇಳಬೇಕು... ಅವರಿಗೆ... ಅಲ್ವೆ...

ಅವರ ಬ್ಲಾಗಿನಲ್ಲಿ ನನ್ನ ಕಾಂಮೆಂಟ್ ಇನ್ನೂ ಪ್ರಕಟ ಆಗಿಲ್ಲ... ಅದನ್ನ ಇಲ್ಲಿ ದಾಖಲಿಸಿದ್ದೇನೆ....

ಎಚ್ಚರ ಇರುವ ಪ್ರಾಧ್ಯಾಪಕರಿಗೆ ನಮಸ್ಕಾರ್...

ನಿನ್ನೆ ನನ್ನ ಕಾಮೆಂಟ್ ಗೆ...

ನನಗೆ ಎಚ್ಚರ ಇದೆ. ಪಾಠ ಮಾಡುವ ಬಗ್ಗೆ ನೀವು ಪಾಠ ಮಾಡಬೇಡಿ. ಎಚ್ಚಜ ನಿಮಗೂ ಇರಲಿ. ನಾನು ಬರೆದಿದ್ದು ಸತ್ಯವಾ? ನೀವು ರಂಗನಾಥರಿಂದ ತಿಳಿದುಕೊಂಡಿದ್ದು ಸತ್ಯವಾ ನೋಡೇಬಿಡೋಣ...

ಅಂದಿದ್ರಿ... ಬಹುಶಃ ಇನ್ನೂ ಎಷ್ಟುದಿನ ಈ ‘ನೋಡೇಬಿಡೋಣಾ’

ಸಧ್ಯದಲ್ಲೇ ನಾವು ಬರೆದದ್ದು ನಿಜವಾಗಲಿದೆ ಎಂದಿದ್ದೀರಿ... ಇದೂ ಕೂಡಾ ಅಷ್ಟೆ.. ‘ಸಧ್ಯ’ ಅಂದರೆ, ಒಂದು ವಾರ, ಒಂದು ತಿಂಗಳು, ಒಂದು ವರ್ಷ... ಪ್ರಾಧ್ಯಾಪಕರಿಗೆ ಬರೆಯುವಾಗ ಎಚ್ಚರ ಇರಬೇಕು ಅಂತಾ ಹೇಳಿದ್ದು, ಇದೇ ಕಾರಣಕ್ಕೆ....

ನಾನು ಹೇಳ ಹೊರಟಿದ್ದು.... ಉಗಮ ಶ್ರೀನಿವಾಸ ಅವರ ಹೆಸರಿನಲ್ಲಿ ಕಾಮೆಂಟ್ ಪ್ರಕಟ ಆಗಿದೆ. ಅದು ಅವರು ಬರೆದದ್ದಲ್ಲ.. ಯಾರದ್ದೋ ಹೆಸರಿನಲ್ಲಿ ನೀವು ಕಾಮೆಂಟ್ ಹಾಕೊಳ್ಳುವ ಅಗತ್ಯವಿತ್ತಾ.. ಅವರು... ಇದರಿಂದ ನೆಮ್ಮದಿ ಹಾಳಾಗಿದೆ... ನನ್ನ ಹೆಸರಿನ ಕಾಮೆಂಟ್ ತೆಗಿರೀ ಅಂದ್ರೂ ನೀವಲ್ಲ ಬೇರೆ ಉಗಮ ಅಂದಿದ್ದೀರಿ... ಈ ಬೇರೆ ಉಗಮ ಎಲ್ಲಿಂದು ಉದ್ಭವ ಆಗಿದ್ದು... ಈ ರೀತಿ ಮುಖಹೀನ ಬ್ಲಾಗ್ ಮಾಡಿ, ಇನ್ನೊಬ್ಬರ ನೆಮ್ಮದಿ ಕದಡಬೇಡಿ... ನಿಮ್ಮ ಸುಳ್ಳು ಬರೆಯುವ ಚಟಕ್ಕೆ ಯಾವ ಉಸಾಬರಿಗೂ ಹೋಗದ ಉಗಮನಂತವರು ಬಲಿಯಾಗದಿರಲಿ..

puttaraja gavai

2010-09-17T05:25:00.002-07:00

puttaraja gavai

2010-09-17T05:25:00.001-07:00

ಗಂಗೂಬಾಯಿ ಹಾನಗಲ್

2009-07-20T23:34:00.000-07:00

ಗಾನಗಂಗೆ ಇನ್ನಿಲ್ಲ...

2009-07-20T23:18:00.000-07:00

lakkundi

2009-06-14T12:59:00.001-07:00

DSCN7674, originally uploaded by halaswamy.

ಮತ್ತೆ ಯುದ್ಧ ಕಾರ್ಮೋಡ ಕವಿಯಲಾರಂಭಿಸಿದೆ

2008-12-10T14:55:00.000-08:00

ಸಾಹೀರ್ ಬರೆದ ಒಂದು ಕವನವನ್ನ ಗೆಳೆಯ ಕುಮಾರ್ ಅನುವಾದಿಸಿದ್ದಾರೆ...

............

ಸಾವಿನ ಸುಂಟರಗಾಳಿ ಮತ್ತೆ ಎದ್ದಿದೆ,

ಮತ್ತೆ ಯುದ್ಧ ಕಾರ್ಮೋಡ ಕವಿಯಲಾರಂಭಿಸಿದೆ...

ಇನ್ನೇಕೆ ತಡ- ಯುದ್ಧ ಆಗೇ ಬಿಡಲಿ ಎಂಬ ಹುಮ್ಮಸ್ಸಿನ ಮನಸುಗಳಿಗೆ ಇದು ಅರ್ಥ ಆಗುವುದೇ ?

ಅವರ ಬ್ಲಾಗಿನಲ್ಲಿ ಸಾಹಿರ್ ಕುರಿತ ಸಾಲುಗಳೂ ಇವೆ ಓದಿ....

http://olagoo-horagoo.blogspot.com/2008/12/blog-post.html

ನನ್ನ ಮಗಳಿಗೆ ಭಯವಂತೆ ...

2008-12-10T14:17:00.000-08:00

Flickr

2008-12-10T13:54:00.001-08:00

This is a test post from , a fancy photo sharing thing.

‘ಅಕ್ಕ ಸೀತಾ ನಾನೂ ನಿನ್ನಂತೆ ಶಂಕಿತ’

2008-11-10T14:55:00.000-08:00

ಅವತ್ತು, ಪೀರ್‌ಬಾಷಾ ಅವರ ‘ಮಾತೃಭೂಮಿ’ ಕವನ ಬಹಳಷ್ಟು ಜನರಿಗೆ ಅರಗಿಸಿಕೊಳ್ಳುವುದು ಕಷ್ಟ ಎಂದು ಗೆಳೆಯ ಕುಮಾರ್ ತಮ್ಮ ಬ್ಲಾಗಿನಲ್ಲಿ ಹೇಳಿದ್ದರು.
ಮೊನ್ನೆ ಸಂಚಯ ೭೭ನೇ ಸಂಚಿಕೆ ಕೈಗೆ ಬಂದಾಗ ಅದರಲ್ಲಿ ಪೀರ್ ಬಾಷಾ ಅವರ ಒಂದು ಕನನ ‘ಅಕ್ಕ ಸೀತಾ ನಾನೂ ನಿನ್ನಂತೆ ಶಂಕಿತ’ ಎಂಬ ಕವನ ಗಪ್‌ನೆ ಸೆಳೆಯಿತು....ಇದೂ ಸಹ ಕೆಲವರಿಗೆ ಅರಗಿಸಿಕೊಳ್ಳಲು.....
ನಿಸಾರ್ ಅವರ ‘ನಿಮ್ಮೊಡನಿದ್ದೂ ನಿಮ್ಮಂತಾಗದ’ ಪದ್ಯಕ್ಕಿಂತ ಇದು ಇನ್ನೂ ಹೆಚ್ಚಿನ ಶಾಕ್ ನೀಡುತ್ತದೆ...ಕಾಲಘಟ್ಟ- ಸಾಮಾಜಿಕ ಒತ್ತಡಗಳು॥ಇಂಥ ಅಭಿವ್ಯಕ್ತಿಗೆ ಕಾರಣ ಇರಬಹುದು... ನೀವೂ ಓದಿ...ಹೇಳಿ...

ಅಕ್ಕ ಸೀತಾ
ನಿನ್ನಂತೆ ನಾನೂ ಶಂಕಿತ
ನಿನ್ನ ಪಾತಿವ್ರತ್ಯದಂತೆಯೇ ನನ್ನ ದೇಶಭಕ್ತಿ
ಸಾಬೀತುಪಡಿಸುವುದಾದರೂ ಹೇಗೆ ಹೇಳು
ಶೀಲ!
ಯಾವ ಸಾಕ್ಷಿಗಳನ್ನು ತರುವುದೆಲ್ಲಿಂದ
ನಮ್ಮ ಮನೆಯಲ್ಲೇ ನಾವು ನಿರಾಶ್ರಿತರು
ತುಂಬಿದ ನಾಡೊಳಗೆ ಪರಕೀಯರು
ನಮ್ಮ ನೆತ್ತರಿನಿಂದ ಅವರು
ನೆಮ್ಮದಿಯ ಕಿತ್ತುಕೊಂಡಿದ್ದಾರೆ
ಅಪವಾದದ ಅಸ್ತ್ರಗಳಿಂದ ಹೃದಯ ಗಾಯಗೊಳಿಸಿದ್ದಾರೆ.
ಅಕ್ಕ ಸೀತಾ
ಶಂಕೆಯ ಸಾಮ್ರಾಜ್ಯದಲ್ಲಿ
ಬೇಹುಗಾರರದ್ದೇ ಮೇಲುಗೈ
ನಿನ್ನನ್ನು ಕಾಡಿಗಟ್ಟಿದ ಗೂಢಚಾರರೇ
ನನ್ನ ಕನಸುಗಳಿಗೂ ಕಾವಲಿದ್ದಾರೆ
ರಾಮರಾಜ್ಯದ ರಾಜಧರ್ಮ
ನಮ್ಮನ್ನು ನಡುಬೀದಿಯಲ್ಲಿ ಸುಡುತ್ತಿದೆ
ಕಳಂಕದ ಕಿರೀಟ ತೊಡಿಸಿ
ನಮ್ಮನ್ನು ಕಾಡಿಗಟ್ಟಲಾಗುತ್ತಿದೆ
ಇವರ ಕ್ರೌರ್ಯದೆದಿರು
ವಿಷಜಂತು, ಪ್ರಾಣಿಗಳೂ ಸೌಮ್ಯವಲ್ಲವೇ
ಅಕ್ಕ ಸೀತಾ
ಈ ನರಕ ರಾಜ್ಯದ ಅಶ್ವಮೇಧದ ಕುದುರೆ
ಕಟ್ಟಲು ಯಾರನ್ನು ಕಾಯುವುದು
ನಿನ್ನ ನೋವು ನನಗಲ್ಲದೇ
ಇನ್ನಾರಿಗೆ ಅರ್ಥವಾದೀತು
ನನ್ನ ನೋವು ನಿನ್ನಲ್ಲಿಲ್ಲದೆ
ಇನ್ನಾರ ಬಳಿ ಹೇಳಲಾದೀತು.
ಅಕ್ಕ ಸೀತಾ
ನಾವು ಈ ನೆಲದ ಮಕ್ಕಳು
ಪರೀಕ್ಷೆಯೆಂಬ ಪಿತೂರಿಯ
ಬೆಂಕಿಯಲ್ಲೇಕೆ ನಾವು ಬೇಯಬೇಕು
ಬೆನ್ನಿಗೆ ಬಾಣ ಬಿಡುವ
ಶೌರ್ಯವೇಕೆ ನಮ್ಮನ್ನಾಳಬೇಕು.
ಅಕ್ಕ ಸೀತಾ
ನೀ ಬಿಟ್ಟು ಹೋದ
ಕೆಲಸ ಇನ್ನೂ ಬಾಕಿ ಇದೆ
ಈ ಬೆಂಕಿ ಮಕ್ಕಳ ಬೂದಿಯಾಗಿಸಲು
ನೆಲದ ಮಕ್ಕಳ ದಂಡೇ ಇದೆ
ಗಡಿಗಳಿಲ್ಲದ ನಾಡು ಕಟ್ಟುವ ಛಲ ಇದೆ.
ಕಾಲವೇ
ಏಳೇಳು ಕಾಲಕ್ಕೂ
ನನ್ನ ಅಕ್ಕತಂಗಿಯರನ್ನು
ಸೀತೆಯರನ್ನಾಗಿಸಬೇಡ
ಕಳಂಕ ಬೆಂಕಿಯಲ್ಲಿ
ನಮ್ಮನ್ನು ಬೇಯಿಸಬೇಡ.

ನಂಮನೆ ಮುದ್ದುಗಳು...

2008-02-15T15:02:00.000-08:00

ನಂಮನೆ ಮುದ್ದುಗಳು...

2008-02-15T14:50:00.000-08:00

2008-02-15T14:48:00.000-08:00

ನಂಮನೆ ಮುದ್ದುಗಳು...

2008-02-07T14:39:00.000-08:00

ಕಾಡು ಕಾಡೆಂದರೆ, ಕಾಡೇನ ಬಣ್ಣಿಸಲಿ

2008-02-06T01:32:00.000-08:00

ಮತ್ತೊಂದು ರಾತ್ರಿ ಕಳೆದಿದೆ....

ದೀಪದ ಹಬ್ಬಕ್ಕೆ ಅಕ್ಷರದ ಹಣತೆ

2007-11-04T11:50:00.000-08:00

ದೀಪದ ಹಬ್ಬಕ್ಕೆ ಅಕ್ಷರದ ಹಣತೆ
‘ನಾತಲೀಲೆ’ಯ ಮೂಲಕ ಗಮನ ಸೆಳೆದ ಎಸ್. ಸುರೇಂದ್ರನಾಥ್ ಅವರ ಕಾದಂಬರಿ ‘ಎನ್ನ ಭವದ ಕೇಡು’ ಬಿಡುಗಡೆ ಆಗಿದೆ.
ಕನ್ನಡ ಸಾಹಿತ್ಯದಲ್ಲಿ ಅಪರೂಪವಾದ ಫ್ಯಾಂಟಸಿ, ಮ್ಯಾಜಿಕ್ ರಿಯಾಲಿಸಂ ತಂತ್ರದ ೨೬೧ ಪುಟದ ಈ ಕಾದಂಬರಿ ಓ-ತ್ತಾ ಹೋದಂತೆ ಅದ್ಭುತ ಅನುಭವ ನೀಡತ್ತೆ.
ಈ ದೀಪಾವಳಿ ಸಂಭ್ರಮಕ್ಕೆ ಭವದ ಕೇಡಿನ ಕೆಲ ಸಾಲುಗಳ ಹಣತೆ...
...ನಮ್ಮ ಅಜ್ಜಿ ನಮ್ಮಪ್ಪನಂಗೆ ದೊಡ್ಡ ಡಾಕ್ಟ್ರು, ಅವರು ಒಂದು ಮಾತು ಹೇಳೋರು. ಪ್ರತಿಯೊಬ್ರೂ ಹುಟ್ಟೋವಾಗ ಎದೇಲಿ
ಒಂದು ನಂದಾದೀಪ ಇಟ್ಕೊಂಡೇ ಹುಟ್ತಾರಂತೆ. ಈಗ ನಿನ್ನ ಎದೇಲೂ ಅಂಥಾ ಒಂದು ನಂದಾದೀಪ ಇದ್ದೇ ಇರುತ್ತೆ. ಆ
ನಂದಾದೀಪನ್ನ ಹಚ್ಚೋಕೆ ಎಣ್ಣೆ ಬೇಕು. ಬೆಳಗೋಕೆ ಬೆಂಕಿ ಬೇಕು. ನಿನ್ನ ಎದೇಲಿರೋ ನಂದಾದೀಪನ್ನ ಬೆಳಗೋಕೆ
ನಿನ್ಕೈಲಿ ಆಗಲ್ಲ. ನಿನ್ನ ಎದೇಲಿರೋ ದೀಪಕ್ಕೆ ಎಣ್ಣೆ ತುಂಬೋಕೆ. ದೀಪಾನ್ನ ಬೆಳಗೋಕೆ ಇನ್ಯಾರಾದ್ರೂ ಬೇಕು. ನಿನ್ನ ಮನೆ,
ನಿನ್ನ ಅಪ್ಪ- ಅಮ್ಮ, ನಿನ್ನ ಜೊತೆ ಹುಟ್ದೋರು ನಿನ್ನ ದೀಪಕ್ಕೆ ಎಣ್ಣೆ ತುಂಬ್ತಾ ಹೋಗ್ತಾರೆ. ಅದ್ರೆ ಇವ್ರಿಗೂ ನಿನ್ನ ಎದೇಲಿರೋ
ದೀಪ ಬೆಳಗೋಕೆ ಆಗಲ್ಲ. ಆಂದ್ರೆ ನಿನ್ನ ಎದೇಲಿರೋ ದೀಪಾನ್ನ
ಬೆಳಗೋಕೆ ನೀನು ಪ್ರೀತಿ ಮಾಡಿದ ಯಾರಾದ್ರೂ ಒಬ್ರು ಬರಬೇಕು. ಅವರ ಪ್ರೀತಿಯಿಂದ ನಿನ್ನ ದೀಪ ಹತ್ತಬೇಕು.
ಈ ಪ್ರೀತಿ ಯಾವುದ್ರಿಂದಾನಾದ್ರೂ ಬರಬಹುದು. ಒಂದು ಹಾಡು, ಒಂದು ಕತೆ, ಒಂದಿಷ್ಟು ಮಾತು, ಇಲ್ಲಾಂದ್ರೆ ನಿಂಗೆ ಬೇಕಾದ
ಅಡುಗೆ, ನಿಂಗಿಷ್ಟ ಆಗೋ ಹಾಗೆ ನಗಬಹುದು, ನಿನ್ನ ಅಪ್ಕೆಬಹುದು, ನಿಂಗೆ ಒಂದು ಮುತ್ತು ಕೊಡಬಹುದು, ಏನಾದ್ರೂ
ಆಗಬಹುದು. ಅವರ ಪ್ರೀತಿಯಿಂದ ನಿನ್ನ ದೀಪ ಬೆಳಗಬೇಕು. ಆ ದೀಪ ಹತ್ತಿದ ಕೂಡಲೇ ನಮ್ಮ ಮೈ ಬೆಚ್ಚಗಾಗತ್ತೆ.
ನಮ್ಮ ಮೈಯಲ್ಲಿ ಬಿಸಿಯೇರತ್ತೆ. ವಿಪರೀತ ಸಂತೋಷ ಆಗತ್ತೆ. ಅಳಬೇಕೂ ಅನ್ಸತ್ತೆ. ನಮ್ಮ ಮುಖಕ್ಕೆ ಬೆಳಕು ಹಿಡಿದ ಹಾಗಾಗತ್ತೆ.
ಮುಖಕ್ಕೆ ರಂಗು ಬರತ್ತೆ. ನೋಡು ಜಗತ್ತು ಬದಲಾದ ಹಾಗೆ ಕಾಣತ್ತೆ. ಜಗತ್ತಿಗೆ ಹೊಸ ಬಣ್ಣ ಬಂದ ಹಾಗಾಗತ್ತೆ.
ಈ ದೀಪ ಮುಂದ್ಯಾವತ್ತೂ ಆರದ ಹಾಗೆ ನೋಡಿಕೊಳ್ಳೋದೇ ನಮ್ಮ ಜೀವನ. ನಿನ್ನ ನಂದಾದೀಪ ಬೆಳಗೋ
ಪ್ರೀತಿ ಎಲ್ಲಿದೆ, ಅದು ಯಾರ ಹತ್ರ ಇದೆ ಅಂತ ಹುಡುಕೋದು ನಿನ್ನ ಜವಾಬ್ದಾರಿ. ಈ ದೀಪದಿಂದ ನಿನ್ನ ಆತ್ಮಕ್ಕೆ
ಸಂತೋಷ ಸಿಗತ್ತೆ. ನಿನ್ನ ಸಂತೋಷಕ್ಕೆ ಈ ನಂದಾದೀಪ ಬೆಳಗಲೇಬೇಕು. ಒಂದ್ವೇಳೆ ಈ ದೀಪ ಹಚ್ಚೋರು
ಯಾರೂ ಸಿಗಲಿಲ್ಲ ಅಂತಿಟ್ಕೋ, ನಿಧಾನವಾಗಿ ನಿನ್ನ ದೀಪದಲ್ಲಿರೋ ಎಣ್ಣೆ ತೀರ್‍ತಾ ಹೋಗತ್ತೆ. ಎಣ್ಣೆ ಪೂರಾ
ಖಾಲಿಯಾದ ಮೇಲೆ ಆ ದೀಪ ಮತ್ಯಾವತ್ತೂ ಬೆಳಗೋದಿಲ್ಲ, ಯಾರಿಂದಲೂ ಬೆಳಗೋಲ್ಲ.
..
...
ನಿನ್ನ ಎದೇಲಿರೋ ನಂದಾದೀಪ ಬೆಳಗುತ್ತಿದ್ದ ಹಂಗೇ ಅದನ್ನು ಆರಿಸೋಕೂ ಜನ ಕಾಯ್ತಾ ಇರ್‍ತಾರೆ.
ಅಂಥೋರಿಂದ ನಿನ್ನ ದೀಪಾನ್ನ ಜೋಪಾನವಾಗಿ ಇಟ್ಕೋಳೋದು ನಿನ್ನ ಜವಾಬ್ದಾರಿ. ಅಂಥೋರ ಉಸಿರು
ನಿನ್ನ ಜೀವನಕ್ಕೆ ತಗುಲಿದ್ರೂ ನಿನ್ನ ದೀಪ ಮಂಕಾಗಿ ಬಿಡತ್ತೆ. ಮಂಕಾಗ್ತಾ ಮಂಕಾಗ್ತಾ ಆರೇ ಹೋಗಿ ಬಿಡತ್ತೆ.
ಇಂಥೋರಿಂದ ದೂರ ಇರೋದೇ ಒಳ್ಳೇದು. ಇದು ನಿಂಗೂ ಗೊತ್ತಾಗಿರಬೇಕಲ್ಲಾ.
...
...
ದೀಪದ ಎಣ್ಣೆ ತೀರಹೋಯ್ತು, ದೀಪ ಆರಿ ಹೋಯ್ತು ಅಂತ ಯೋಚನೆ ಮಾಡಬೇಕಿಲ್ಲ. ದೀಪಾನ್ನ
ಮತ್ತೆ ಹಚ್ಚಬಹುದೂ ಅಂತ ನಿಂಗೆ ನಂಬಿಕೆ ಇರಬೇಕು. ಅಂದ್ರೆ ದೀಪ ಹಚ್ಚೋಕೆ ದಾರಿ ಸಿಗತ್ತೆ. ಕಳೆದು
ಹೋದರೆ ಮತ್ತೆ ಸಿಗಲಾರದ ವಸ್ತು ಏನಲ್ಲಾ ಅದು. ಸಿಕ್ಕೇ ಸಿಗತ್ತೆ. ದೀಪ ಹಚ್ಚೋಕೆ ಯಾರಾದ್ರೂ ಸಿಕ್ಕೇ
ಸಿಗ್ತಾರೆ ಅಂತ ನಂಬಿಕೆಯಿರಬೇಕು. ಸಿಕ್ಕೇ ಸಿಗ್ತಾರೆ...
....
ನನ್ನ ಎದೇಲೂ ಒಂದು ದೀಪ ಇದೆ. ಎಣ್ಣೆ ಇದೇ ದೀಪ ಬೆಳಗೋಕೆ ಯಾರು ಬರ್‍ತಾರೆ ಅಂತ ಕಾಯ್ತಾ
ಇದೀನಿ. ಯಾರಾದ್ರೂ ಬಂದೇ ಬರ್‍ತಾರೆ ಅನ್ನೋ ನಂಬಿಕೆ ನಂಗಿದೆ. ಏನಂತೀಯ......

ಅಲ್ಲಿ ಎಲ್ಲರೂ ಕಲ್ಲಾಗಿದ್ದಾರೆ

2007-05-26T01:55:00.000-07:00

ಪಲ್ಲಕ್ಕಿ ಹಿಡಿದು ನಿಂತವರು, ವಾಲಗದವರು, ಆರತಿ ತಟ್ಟೆ ಹಿಡಿದೋರು ಒಟ್ಟಿನಲ್ಲಿ ಅವತ್ತು ದಿಬ್ಬಣಕ್ಕೆ ಹೊರಟಿದ್ದ ಎಲ್ರೂವೇ ಕಲ್ಲಾಗಿದ್ದಾರೆ ಕಣ್ರೀ... ಕತೆ ಕೇಳುತ್ತಿದ್ದ ನಮ್ಮ ಮುಖಗಳನ್ನು ನೋಡಿ ಮತ್ತೆ ಮುಂದುವರೆಸಿದ... ಇಗ್ಲೂ ಆ ಗುಡ್ಡದ ಮೇಲೆ ಆವತ್ತು ಕಲ್ಲಾದವರೆಲ್ಲಾ ಹಂಗೇ ನಿಂತಿದ್ದಾರೆ.. ಬೇಕಾರೆ ನೀವು ಹೋಗಿ ನೋಡಬಹುದು ಅಂದಾಗ ನಾವು ಒಮ್ಮೆ ಗುಡ್ಡ ನೋಡಿ ಇನ್ನೊಮ್ಮೆ ಆತನ ಮುಖ ನೋಡಿದೆವು. ಗುಡ್ಡದಷ್ಟೇ ನಿರ್ಲಿಪ್ತವಾಗಿತ್ತು ಕತೆ ಹೇಳುತ್ತಿದ್ದ ಮುದುಕನ ಮುಖ.
ದಟ್ಟ ಕಾಡಿನಿಂದ ಆವೃತ್ತವಾದ ಈ ಗುಡ್ಡದಲ್ಲಿ ಅಡಗಿರುವ ಕತೆ ನಮ್ಮನ್ನು ಹೊಸ ಲೋಕಕ್ಕೆ ಕರೆದೊಯ್ಯತೊಡಗಿತು.
ಶಿವಮೊಗ್ಗದಿಂದ ತೀರ್ಥಹಳ್ಳಿ ಮಾರ್ಗದಲ್ಲಿ ಹಾಗೇ ಒಂದು ಸುತ್ತು ಹೊರಡುವ ಚಾಳಿ ನಮಗೆ ಅಪರೂಪದ ಅನುಭವಗಳನ್ನು ನೀಡಿದೆ. ಶಿವಮೊಗ್ಗ ದಾಟುತ್ತಿದ್ದಂತೆ ಸಿಗುವ ಹರಕೆರೆ ಈಶ್ವರ ದೇವಾಲಯ, ಹೊಸಳ್ಳಿ, ಗಾಜನೂರಿನ ಡ್ಯಾಮು, ಇನ್ನೊಂದೈದು ನಿಮಿಷ ಸಾಗಿದರೆ ಸಕ್ಕರೆಬೈಲಿನ ಆನೆಗಳ ಬಿಡಾರ, ಅಲ್ಲಿಂದ ಕೂಗಳತೆಯಲ್ಲಿರುವ ಅಶ್ವಿನಿವನ ಹೀಗೆ ಸಾಗುತ್ತಿದ್ದಂತೆ ಮಂಡಗದ್ದೆಯಲ್ಲಿ ಪಕ್ಷಿಗಳ ಕಲರವ ಕೇಳಿಕೊಂಡು ಮಡುಬು ಸೇತುವೆ ಬಳಿ ಹೊಳೆಯಲ್ಲಿ ಒಂದಷ್ಟು ಮೀದು ಹಿಂತಿರುವುಗುದು. ನಾವೇನು ಮಹಾನ್ ಈಜುಗಾರರಲ್ಲ, ಸೊಂಟಮಟ್ಟದವರೆಗಿನ ನೀರಿನಲ್ಲಿ ಒಂದು ಬಂಡೆ ಹಿಡಿದುಕೊಂಡು ಕಾಲು ಬಡಿಯುವುದು, ಅಲ್ಲೆ ಮುಳುಗೇಳುವುದೇ ನಮ್ಮ ಈಜು. ಆದರೆ, ನಮ್ಮ ಕತೆಗಳನ್ನು ಕೇಳಿದವರು ನಾವೆಲ್ಲಾ ಮಹಾನ್ ಈಜುಗಾರರು ಎಂದೇ ಭಾವಿಸಿದ್ದಾರೆ. ಅಪ್ಪಿತಪ್ಪಿ ಯಾರಾದರೂ ಹೊಳೆಪಾಲಾದಾಗ ನಮ್ಮನ್ನು ಕರೆದರೆ....... ಮುಂಚೆ ಹೋಳೆಪಾಲಾದವನೊಂದಿಗೆ ನಾನೂ ಹೊಳೆಪಾಲು ಅಷ್ಟೇ, ಅಥವಾ ನನ್ನನ್ನೂ ಏಳೆಯಲು ಇನ್ನೊಬ್ಬ ಬರಬಕೇಷ್ಟೇ.
ನಮ್ಮ ಅರ್ಧ ದಿನದ ಫೆವರೆಟ್ ಪಿಕ್‌ನಿಕ್ ಇಷ್ಟು, ಇನ್ನಷ್ಟು ಸಮಯ ಇದ್ದರೆ ಮುಡುಬ ಸೇತುವೆ ದಾಟಿ ಖಾಂಡ್ಯದ ಮೂಲಕ ಮೃಗವಧೆ ದೇವಾಲಯಕ್ಕೆ ಹೋಗಿ ಅಲ್ಲಿ ಇನ್ನೊಂದಷ್ಟು ಹೊತ್ತು ನೀರಾಟ ನಂತರ ದೇವಾಲಯದಲ್ಲಿ ಪುಷ್ಕಳ ಭೋಜನ ಮುಗಿಸಿ ಕಾಡಿನ ನಡುವೆ ಯಾವುದಾದರೊಂದು ಮರದ ಕೆಳಗೆ ಒಂದು ಗಂಟೆ ಸಂಪಾದ ನಿದ್ದೆ ಮಾಡಿ ಸಂಜೆ ವೇಳೆಗೆ ಹಿಂತಿರುಗುವ ಮೂಲಕ ದಿನ ಕಳೆಯುವುದು. ಕೆಲ ದೇವಾಲಯಗಳು ನಮಗೆ ತುಂಬಾ ಇಷ್ಟವಾಗ್ತವೆ...ಅಲ್ಲಿನ ದೇವರಿಂದ ಖಂಡಿತಾ ಅಲ್ಲ.. ಅಲ್ಲಿ ದೊರೆಯುವ ರುಚಿಯಾದ ಊಟದಿಂದ. ದೇವರ ಮೇಲೆ ಭಕ್ತಿ ಇಲ್ಲದಿದ್ದರೂ ಊಟದ ಮೇಲಿನ ಆಪಾರ ಭಯ- ಭಕ್ತಿ ಇರುವುದರಿಂದ ಇಂಥ ಜಾಗಗಳಿಗೆ ಭೇಟಿ ನೀಡುತ್ತೇವೆ.

ಮುಡುಬದ ಮಂಜಪ್ಪಗೌಡ್ರ ಮನೆ ದಾಟಿದ ಒಂದು ಏರು ಇದು ಇಳಿಜಾರು ಮುಗಿದ ನಂತರ ಸಿಗೋದು ಮಲ್ಲಂದೂರು ಎಂಬ ಪುಟ್ಟ ಗ್ರಾಮ. ರಸ್ತೆಯ ಬಲಭಾಗದಲ್ಲಿ ಒಂದಷ್ಟು ಮನೆಗಳು ಎಡ ಭಾಗದಲ್ಲಿ ದೊಡ್ಡದಾದ ದಟ್ಟ ಮರಗಿಡ ಬಳ್ಳಿಗಳಿಂದ ಕೂಡಿದ ಗುಡ್ಡ, ಸುತ್ತ ಗದ್ದೆಬೈಲು, ಒಂದಷ್ಟು ಅಡಕೆ ತೋಟಗಳ ಇತ್ಯಾದಿಗಳಿಂದ ಕೂಡಿದ ಮಲೆನಾಡಿನ ಊರು.
ಅವತ್ತು ಮೃಗವಧೆಗೆ ಹೋಗುವಾಗ ಹಿಂದಿದ್ದವರು ಬರಲಿ ಎಂದು ಮಲ್ಲಂದೂರಿನ ಒಂದು ಅಂಗಡಿ ಮುಂದೆ ಸ್ವಲ್ಪಹೊತ್ತು ನಿಂತೆವು. ಆವಾಗ್ಲೆ ಈ ಮುದುಕ ನಮ್ಮೆದುರು ಬಂದು ನಿಂತದ್ದು, ಗುಡ್ಡದ ಕತೆ ಹೇಳಿದ್ದು.
ಕತೆ ನಡೆದದ್ದು ಪಾಳೆಗಾರರು ಈ ಪ್ರದೇಶವನ್ನು ಆಳುತ್ತಿದ್ದ ಕಾಲದಲ್ಲಂತೆ.....

ಚಿತ್ರ. ಮುಡುಬಾ ಸೇತುವೆ ಬಳಿಯ ನದಿ ತುಂಗೆ...

ಬಾಕಿ ಮುಂದಿನ ಕಂತಿನಲ್ಲಿ.......

ಎಂದೂ ಮುಳಗದ ಬೋಟು...

2007-05-24T14:18:00.000-07:00

ನಾವೊಂದಷ್ಟು ಮಂದಿ ಬೈಕನೇರಿ ಬೆಳ್ಳಂಬೆಳಗ್ಗೆನೇ ಹೋರಟಿದ್ದು ತೀರ್ಥಹಳ್ಳಿ ರಸ್ತೆಯ ಮಾರ್ಗದಲ್ಲಿ. ಶಿವಮೊಗ್ಗದಿಂದ ಗಾಜನೂರು ಅಣೆಕಟ್ಟೆ ದಾಟುವಷ್ಟರಲ್ಲೇ ಇರುವ ಸಕ್ಕರೆಬೈಲು ಆನೆ ಬಿಡಾರ ನಮ್ಮ ಮೊದಲ ನಿಲುಗಡೆಯ ಸ್ಥಳ. ಹಿನ್ನೀರಿನಲ್ಲಿ ಬಂಡೆಗಳಂತೆ ಆನೆಗಳನ್ನು ಕೆಡವಿಕೊಂಡು ಅವುಗಳ ಮೈ ತಿಕ್ಕುವ ಮಾವುತರ ಕೆಲಸವನ್ನು ಅಚ್ಚರಿಯಿಂದ ನೋಡುತ್ತಿದ್ದಂತೆ ನಮ್ಮ ಬಳಿ ಬಂದವನು ಸಾದಿಕ್. ‘ಸಾರ್ ಬನ್ನಿ ಆ...ಲ್ಲಿ ಕಾಣ್ತಿದೆಯಲ್ಲಾ ಆ ಮರದವರೆಗೂ ಬೋಟಿನಲ್ಲಿ ಕರೆದುಕೊಂಡು ಹೋಗ್ತಿನಿ. ಒಬ್ಬರಿಗೆ ಬರೀ ಹದಿನೈದು ರುಪಾಯಿ ಅಷ್ಟೇ ಸಾರ್’ ಅಂದ. ಆತ ತೋರಿದ ಬೋಟು ನೋಡಿದರೆ ನಮಗೆ ಒಳಗೊಳಗೆ ದಿಗಿಲು. ನಮ್ಮ ಅನುಮಾನ ತುಂಬಿದ ಮುಖಗಳನ್ನು ನೋಡಿ ಅರ್ಥಮಾಡಿಕೊಂಡ ಆತ ‘ಸಾರ್ ಇದು ಕಬ್ಬಿಣದ ಬೋಟು ಸಾರ್....ಯಾವತ್ತೂ ಮುಳಗಲ್ಲ ನೋಡಿ, ಒಂದ್ಸಲ ಹತ್ತಿ ಸಾರ್ ನಿಂಗೆ ಗೋತ್ತಾಗುತ್ತೆ’ ಎಂದ. ಆತನ ಮಾತನ್ನು ನಾವೇನೂ ನಂಬಲಿಲ್ಲ. ಆದರೆ, ಹಿನ್ನಿರಿನಲ್ಲಿ ವಿಹರಿಸುವ ಆಸೆ ಹತ್ತಿಕ್ಕಿಕೊಳ್ಳಲಾಗದೆ ಆಗಿದ್ದಾಗಲಿ ಎಂದು ಆತ ತೋರಿದ ಎಂದೂ ಮುಳುಗದ ಬೋಟನ್ನೇರಿ, ಆತ ತೋರಿದಂತ ವಾಸ್ತು ಪ್ರಕಾರ ಕುಳಿತೆವು. ನೋಡಿ ಸಾರ್ ಆ ನೀರನಲ್ಲಿ ಇದ್ಯಲ್ಲಾ ಆ ಆನೆಯತ್ರ ಹೋದಾಗ ಗಲಾಟೆ ಮಾಡಬೇಡಿ... ಅದೇ ಆನೆ ಮೊನ್ನೆ ಟಾಟಾ ಸುಮೋನ ಪಲ್ಟಿ ಮಾಡಿತ್ತು ಎಂದ.. ನಾವು ಹತ್ತಿ ಕೂಂತಿದ್ದ ಎಂದೂ ಮುಳುಗದ ಬೋಟು ಆ ಆನೆಗೆ ಟಾಟಾ ಸುಮೋದಂಗೆ ಕಂಡರೇನು ಮಾಡೋದು ಅನ್ಕೊಂಡು ನಾವು ಸಮಸ್ತವನ್ನು ಮುಚ್ಚಿಕೊಂಡು ಕಣ್ಣನ್ನು ಮಾತ್ರ ಬಿಟ್ಟುಕೊಂಡು ಇರುವ ದೃಢ ನಿರ್ಧಾರ ಮಾಡಿದೆವು. ಆದರೆ, ಆತ ಮೊದಲು ಅತ್ಲಾಕಡೆ ಹೋಗಿ ಬರೋಣ ಸಾರ್.. ಎಂದು ಕರೆದೊಯ್ದ. ಸಧ್ಯ ಪಲ್ಟಿ ಮಾಡಿಸುವ ಆನೆಯಿಂದ ದೂರದಲ್ಲೇ ಹೋಗುತ್ತಿದ್ದೇವೆ ಅನ್ಕೊಂಡು ಹಿನ್ನೀರಿನಲ್ಲಿ ಎಂದೂ ಮುಳಗದ ಬೋಟನ್ನೇರಿ ಹೊರಟೆವು.

ಪ್ರಕೃತಿ ಎಂಬ ವಿಸ್ಮಯ

2007-05-24T13:52:00.000-07:00

ಪ್ರಕೃತಿ- ಸಕ್ಕರೆಬೈಲಿನಲ್ಲಿರುವ ಪುಟಾಣಿ ಆನೆ, ನಾಲ್ಕು ವರ್ಷದ ಈ ಪೋರಿಯ ತುಂಟತನಕ್ಕೆ ಮಿತಿಯೇ ಇಲ್ಲಾರಿ... ದೊಡ್ಡ ಆನೆಗಳ ಕಾಲ ನಡುವೆ ನುಸುಳಿಕೊಂಡು ಬಳಕುತ್ತಾ ಸೊಗಸಾಗಿ ಸಾಗುತ್ತಾಳೆ. ಎದುರು ನಾಯಿಯೋ, ದನವೋ, ಎಮ್ಮೆಯೋ ಬಂದರ ಇನ್ನಷ್ಟು ನಿಧಾನ...ನಿಧಾನ... ಹತ್ತಿರ ಹೋದ ತಕ್ಷಣವೇ ಗುದ್ದುತ್ತಾಳೆ. ಈಕೆಯ ಗುದ್ದಿಗೆ ನಾಯಿಗಳಂತೂ ದಿಕ್ಕಾಪಾಲಾಗಿ ಓಡುತ್ತವೆ. ನೀರಿನಲ್ಲಿ ದೊಡ್ಡ ಆನೆಗಳು ಮಲಗಿ ವಿಶ್ರಾಂತಿ ಪಡೆಯುತ್ತಿದ್ದರೆ ಈಕೆ ಸೀದಾ ಹೋಗಿ ಅವುಗಳ ಹೊಟ್ಟೆ ಮೇಲೇರಿ ಠೀವಿಯಿಂದ ಕೂರುತ್ತಾಳೆ.. ಸಕ್ಕರೆಬೈಲಿಗೆ ಬರುವ ಪ್ರಯಾಣಿಕರ ದಂಡಿನಲ್ಲಿರುವ ಪುಟ್ಟ ಮಕ್ಕಳ ಬಳಿ ಬಂದು ತಿವಿಯುತ್ತಾಳೆ. ಮಾವುತರು ಜೋರು ಮಾಡಿದರೆ ಏನೂ ಗೊತ್ತಿಲ್ಲದ ಮಳ್ಳಿಯಂತೆ ದೊಡ್ಡ ಆನೆಗಳ ಮರೆಗೆ ಹೋಗಿ ನಿಲ್ಲುತ್ತಾಳೆ...

ಇಸ್ತು ಸಾಕು

2007-05-15T14:00:00.000-07:00

ನಗು ಮಗು

2007-05-15T13:52:00.000-07:00

ನಾದ ಎಂಬ ಶುದ್ದ ಕಿತಾಪತಿ

2007-05-14T08:15:00.000-07:00

ನದಿ ಎಂಬ ಚೆಲುವಿ

2007-05-09T14:31:00.001-07:00